تحليل سبورت 90 لطريقه اللعب المطلوبه من الاهلي

النهارده ٢٤١٣
الشناوي
خط الدفاع مكون من ثلاثه
ياسر ابراهيم في القلب يمينه رامي ربيعه وشماله ايمن اشرف علشان يغطوا ظهر الباكات اللي حيتحولوا في الطريقه ديه لوينجات
Wing backs
قدامهم حمدي فتحي
قدامه رباعي


من اليمين حسين الشحات ناصر ماهر عمرو السوليه علي معلول
قدامهم اتنين مهاجمين مروان محسن ووليد ازارو
شرح الخطه :-

ثلاثه في الدفاع علشان تغطيه عرض الملعب في المرتدات الخطيره لصن داونز اللي اغلبها من العمق وبالتالي لو بنلعب ٤ باتنين مساكين بس سهل جدا يتضربوا وعلشان كمان يبقا فيه حريه هجوميه لباقي اللاعبين
حمدي فتحي في الوسط لوحده لكفائته وقدرته علي التغطيه والتمركز وكمان ميزته في ضربات الراس وفي عمل الزياده العدديه المفاجئه داخل منطقه الجزاء
قدامه حسين الشحات يمين وهو لعبها قبل كده بكفاءه ومعلول شمال وواخدين حريه هجوميه تامه لعمل العرضيات
ناصر ماهر هو صانع الالعاب اللي بيوزع اللعب وبيحدد اتجاه الهجمه وبينزل يستلم من نص الملعب وبيضبط الايقاع
السوليه لاعب البوكس تو بوكس اللي بيعمل الزياده العدديه في العرضيات مع مروان محسن وازارو جوه المنطقه وديه نقطه ضعف صن داونز الاساسيه في كل ماتشاته وخاصه بره ارضه
ضعف الرقابه في الكرات العرضيه وبالتالي مع عمل العرضيات حتي لو مبكره من اليمين او الشمال حيكون فيه ٣ جوه المنطقه
مروان وازارو والسوليه وكمان حمدي فتحي بيزيد في بعض الكرات بشكل مفاجئ زي ماعملها في مباراه المقاصه واستطاع انه يسجل وعلي حدود المنطقه حيكون موجود ناصر ماهر علشان قدرته علي التسديد الجيد من بره المنطقه وكمان يقدر يستلم ويعيد بناء الهجمه من تاني
فيه ورق علي الدكه مهم جدا زي رمضان صبحي اللي ممكن يبدء مكان الشحات في اليمين بس حتكون مغامره محسوبه وده ماتش المغامرات
وفيه جونيور اجاي ورقه مهمه علي الدكه
صن داونز دفاعيا مش قوي والاهلي مع كثره العرضيات والكثافه العدديه جوه المنطقه يقدر يكسب ويسجل
مافيش حاجه مستحيله